ஞானசாரரை பிக்குவாகக் கருதமுடியாது, பொதுபல சேனாவின் பாதை தவறானது - முன்னாள் தலைவர்
பௌத்த போதனைகளில் ஈடுபடும் பிக்குமார்களுக்கு போதிய பயிற்சிகள் வழங்கப்பட வேண்டும். எத்தகைய பயிற்சித் தெளிவுகளுமின்றி போதனைகள் புரியும் போதே குளறுபடிகளும் பிரச்சினைகளும் எழுகின்றன. ஏழு, எட்டு வருடங்கள் சமயப் படிப்பு பெற்ற பின்னரே பள்ளிவாசல்களில் சமயத் தலைவர்கள் அமர்த்தப்படுகிறார்கள். இதே முறைமை எங்கள் மத்தியில் இல்லை. இதனை நாமும் கொண்டு வர வேண்டும் என்று தெஹிவளை, நெதிமாலை கலாசார மத்திய நிலைய அதிபதி கிரம விமலஜோதி தேரர் தெரிவித்துள்ளார்.
பொதுபல சேனா அமைப்பின் ஆரம்பத் தலைவராகவிருந்து கருத்து வேற்றுமையால் அதிலிருந்து விலகி தற்போது சுயமாக இயங்கி வரும் கிரம விமலஜோதி தேரரை ராவய சிங்கள ஊடகம் பேட்டி கண்டு வினவிய போதே அவர் மேற்கண்டவாறு கூறியுள்ளார்.
அவர் தொடர்ந்தும் கூறியதாவது,
என்னால் ஏதும் தவறுகள் வெளிப்பட்டு விடுமோ என்ற பீதியிலே நான் இப்போது பௌத்த போதனைகளில் ஈடுபடுவதில்லை. வாய்க்கு வந்தவாறெல்லாம் போதனை செய்ய முடியாது. திரிபிடயை (பௌத்த கிரந்தம்) சரியாகப் புரிந்து கொள்ளாது புத்தபெருமான் அப்படிச் சொல்லியிருப்பார் இப்படி சொல்லியிருப்பார் என்று விளக்கம் கொடுப்பது தவறு.
ஞானசார தேரரை பிரதான பிக்குத்தலைவராக ஏற்றுக் கொள்வோரும் எங்கள் மத்தியில் காணப்படுகிறார்களே! இது குறித்து நீங்கள் என்ன கருதுகிறீர்கள் என்று ஊடகவியலாளர் எழுப்பிய கேள்விக்கு தேரர் பதிலளிக்கையில்;
அவரை பிரதம பிக்குவாகக் கருதமுடியாது. ஒரு சில சந்தர்ப்பங்களில் ஏதும் பிரச்சினைக்கு இவர் முகம் கொடுத்துப் பேசும்போது எமது இளைய பிக்குமார்கள், இவர் தான் நாட்டுக்காக கலாசாரத்தைப் பாதுகாக்கும் தலைவர் என்று எடைபோட்டுக் கொள்கிறார்கள். இவர் குறித்து மேலிடங்களிலிருந்து பேசாதிருப்பதால் தான் இளையோர் மத்தியில் இப்படி தவறாக எடை போடப்பட்டுள்ளது. அவ்வளவு தான் ஞானசார தேரருக்கு பொதுபல சேனாவை முன்னெடுத்தவர்கள் தானே இத்தகைய மதிப்பைக் கொடுத்து கொண்டிருக்கிறார்கள் அல்லவா? என்று எழுப்பப்பட்ட வினாவுக்கு அளிக்கப்பட்ட பதிலில்,
நானும் அந்த அமைப்பில் இருந்தேன். அவர்கள் பயணிக்கும் பாதை தவறு என்பதை உணர்ந்து கொண்டபோது நான் அதிலிருந்து ஒதுங்கிக்கொண்டேன். ஒரு சிலரால் பிக்குமார் தூண்டப்பட்டார்கள் என்பது தெரியவில்லை. ஆனால் நான் இப்போது அதில் ஈடுபடுவதில்லை. எமக்கென்று பிரதான அமைப்பொன்று இருக்கையில் சிறுசிறு அமைப்புக்கள் அவசியப்படாது.
பிக்குகள் நாட்டின் சட்டத்திற்குட்படாதவர்களா? என்று வினவப்பட்டபோது,
இல்லை, இல்லை நாட்டின் அரச சட்டத்திற்கு கீழ்படியும் படியே புத்தபெருமான் போதனை செய்துள்ளார். பிக்குகள் தமது கௌரவங்களைப் பேணி நடந்தால் அரச சட்டத்திற்கு மேலேதான் அவர்கள் இருப்பார்கள். இதனை விடுத்து சட்டத்தை மீறுவதில் தான் பிரச்சினையே எழுகிறது.
பௌத்த கலாசார பணிகளில் எப்போது ஈடுபாடு காட்ட ஆரம்பித்தீர்கள்?
1975 ஆம் ஆண்டிலிருந்து நான் வெளிநாட்டிலே தான் இருந்து வந்தேன். அப்போது நான் எதிர்பார்க்காதவாறு பணம் என்னை வந்தடைந்தது. 1989 ஆம் ஆண்டாகும் போது 75 கோடி ரூபா அளவில் என் கையிருப்பில் இருந்தது. அப்பணத்துடன் நான் நாடு திரும்பி மற்றுமொரு பிக்குவையும் இணைத்துக் கொண்டு தெஹிவளை, நெதிமாலையில் வெளிநாட்டவர்களுக்கான தியான நிலையம் ஒன்றை நிறுவினேன். பௌத்தம் தொடர்பான ஆங்கில நூல் எதுவும் எமது நாட்டில் இல்லாத நிலையில் மலேஷியா, இந்தியா நாடுகளுக்குச் சென்று அங்கிருந்து சில பௌத்த நூல்களை எடுத்து வந்து இங்கு வைத்தோம். பின்னர் 92 ஆம் ஆண்டில் பஸ் வண்டியொன்றை அமர்த்தி நடமாடும் பௌத்த நூலக சேவையொன்றை ஆரம்பித்து வந்தேன். தொடர்ந்து 93 ஆம் ஆண்டு முதல் பொது நூலகத்திலும் கலாபவன நிலையத்திலும் பௌத்த கலாசார கண்காட்சிகளை என்னிடமிருந்து பணத்தை செலவு செய்து நடத்தி வந்தே என் பணி தொடர்கிறது என்றார். JM
வாழைச்சேனை சேர்ந்த இரு முஸ்லிம் இளைஞர்கள் மட்டக்களப்பை நோக்கி சென்றபோது பஸ் சாரதி ஒருவர் இன்னொரு பஸ்சை முந்திச் செல்லும் போது முன்னிலையில் இருந்த மோட்டார் வாகனத்தை தட்டிச் சென்றார்.
இந்த பஸ் சாரதி ஒரு தமிழ் இளைஞர் ஆவார்.
படுகாயம் அடைந்த முஸ்லிம் இளைஞர்கள் இருவரும் மட்டக்களப்பு வைத்தியசாலையில் அனுமதிக்கப்பட்டு சாரதி கைது செய்யப்பட்டார்.
இதன்போது மோட்டார் சைக்கிள் ஒரு லட்சத்துக்கும் மேற்பட்ட செலவு வரும் என்பதையும் பொலிஸார் தெரிவித்தனர்.
தமிழ் இளைஞர் சாரதி தனது தவறை ஒப்புக்கொண்டு முஸ்லிம் இளைஞரிடம் என்னால் 5000 ரூபாய் மாத்திரமே தர முடியும் எனவும் தான் கடும் கஷ்டத்தில் இருப்பதாகவும் வேண்டிக்கொண்டார்.
50 ஆயிரம் செலவையாவது கொடுக்க வேண்டும் எனவும் இல்லையேல் 14 நாட்கள் சிறைச்சாலை அனுபவிக்க வேண்டும் என்றும் நீதிமன்றத்துக்கு சென்று முழுமையாக செய்து கொடுக்கவேண்டும் என்றும் பொலிஸார் தெரிவித்தபோது....!!
மோட்டார் வாகன முஸ்லிம் வாலிபர் மன்னிப்புக் கொடுத்து எனக்கு எதுவும் வேண்டாம் எனவும் தானே முன்னின்று போலீஸ் நிலையத்துக்கு சென்று பொலிஸ் நிலைய பொறுப்பதிகாரி யோடு கலந்துரையாடி பஸ் சாரதியின் பஸ்சையும் வெளியில் எடுத்துக் கொடுத்தது உதவினார்.
இதுதான் இன்றைய தமிழ் முஸ்லிம்களின் ஒற்றுமையாகும் இந்த ஒற்றுமையை குலைக்கும் விதமாக இணையதளங்களில் எழுதுவோருக்கு இது சமர்ப்பணம்...!!
அல்ஹம்துலில்லாஹ்
